Elemento ng Kalikasan

MAYUMING HANGIN

I

Sa init na aking nadarama

Iyong haplos ay sadyang nakakahalina.

Waring pagdaloy sa tubig sa batis

Tumutunaw sa uhaw na kanina pa iniinda.

II

Kapag ikaw ay nagsimulang sumayaw

Atensyon ng lahat siguradong iyong mapupukaw.

Sa saliw ng tunog nitong kalikasan

Pagindak mo’y lubos na walang makakapantay.

III

Ngunit ngayon aking nadirinig

Malakas na panaghoy nagmumula sa kanyang tinig.

Mayuming hangin ay naghihinanakit at di mapigilang tumangis

Kagagawan ng mga taong malulupit, kaluluwa niya ay unti-unting pinupunit.

IV

Sariwang hangin wag mo sa amin ipagkait

Mayumi mong kulay ay wag sanang mawawaglit.

Mata ng kapwa-tao’y sadya yatang nakapikit

Kasalanan nya ay hindi man mabigyang silip

V

Ganti mo’y unti-unti ng nadarama

Masindak man kami’y parang huli na.

Lamig ng mayumi mong haplos

Lagi ng sambit na sana lang ay muling nang magbalik.

oOo

MAPAGLARONG APOY

I

Dingas mong napakakulay

Pula, asul at merong pang dilaw.

Sumasaklaw sa kabuuan nitong bahay.

Lubos na init ang siyang tinataglay.

II

Nagbabaga mong apoy,

lumuluto sa ulam kong Pinoy na Pinoy

Sarap nitong sinigang na baboy

Tiyak pawis mo’y dagliang dadaloy.

III

Mabuting kaibigan lalo na kung maginaw,

Subalit kapag nakaaway ay lubos na pumapatay.

Kaibigan man o kaaway, tiyak na ikaw ay walang malay

Alab mo’y natatanging regalo mula sa Maykapal.

IV

Sabi nila, “Manakawan ka na lang H’wag lang Masunugan”,

Tama nga s’yang tunay.

Pagkat buhay ay inalay mabuo lamang itong tahanan

Ngunit sa isang iglap nawala na lang ng walang paalam.

V

Apoy na walang malay,

Kapabayaan ng iba’y huwag sanang gawing patnubay.

Maraming buhay na dagliang nasayang,

Tumupok sa minsang masayang tahanan.

oOo

ANINO NG TUBIG

I

Balon ng buhay iyong pinupunan,

Daloy mo ang pinakakahintay ng mga punla sa bukid ni Tatay.

Tanim niyang Gulay ang ani ay umaapaw,

Ngiti ni Nanay laging lumilitaw.

II

Gamit mo sa amin walang papalit,

Buhay ng lahat ng nilalang ay sayo na nakakapit.

Wag sanang dumating panahon na iyong ipagkakait,

Dahil buhay namin ay paniguradong mawawaglit.

III

Sa iba’t ibang lugar anino mo’y matatanaw,

Sa dagat, sa ilog, sa lawa at pati na rin sa kanal.

Ngunit anyo nila’y biglang nagkaiba,

Dumi na tao ang s’yang umalipusta

IV

Ganti nga ba sa amin iyo ng binibigay?

Barko sa dagat ay inulubog ng iyong kampay.

O tubig kami ay wag pagdamutan,

Dulot ng El Nino ay labis ng pinagsisihan.

V

Si bagyong Ondoy din ba ay iyong ganti?

Lumunod sa mga taong hindi naman lahat ay mayroong sala.

Malapot na putik iyong iniwan,

Matitigas na mga  bangkay sa kalsada ay naglutang.

VI

Anino mo sa amin ay ligaya ang hatid,

Pag lumisan ka kami ay magsisitangis.

Ipagpatawad ang aming hindi pag-alaga ng labis,

Nagbunsod tuloy sayo upang puminsala at kumitil.

oOo

Sponsored by: