Nakukubli sa mga letra. Natatago sa bawat salita. Ngunit dagli mong mababanaag ang diwa kapag nabuo na ang paksa.
Sa paglupon ng tamang titik at paghabi ng tamang salita hindi ko inaasahan magkaroon isang likhaing kailan man ay hindi ko naisip na aking gagawin.
Wala mang talento sa pagsulat. Wala mang sapat na kaalaman sa ibang salita. Hayaan lang tumipa at mabuo ang inuumid ng damdamin at bulong ng kasalukuyang pangyayari.
Minsan kailangan din tumahimik.
Manahan sa ibang pagkakaabalahan.
At sa huli’y magbabalik.
Magsisimula muli sa pagtipa ng mga letra. Hahabi ang mga salita. At muling mabubuo ang paksang ninanais ipahiwatig sa naghihintay na mambabasa.
Arsean Crafts en Travels 