by: Jerome Nana
Paano nga kaya kung walang February 29 sa kalendaryo? Paano kung hindi nabuo ang mailap na petsa na kung magpakita lamang ay isang beses kada apat na taon? Paano nga kaya kung ang kaisa-isang araw na idaragdag sa regular na 365 days ay biglang umabsent sa kalendaryo?
Mostly, people consider the month of February as kulang-kulang. Una, dahil ang buwan ng Pebrero ay umaabot lamang sa dalawangpu at walong araw kumpara sa regular na 30 or 31 days. Pangalawa, dahil kahit sumobra ng isang araw ay kulang pa din. Di ba? (Do your math beybe!) Kaya kung Pebrero ka ipinanganak, welcome to the club ng mga kulang-kulang. Pero paano kung sa lahat ng araw ng Pebrero napagtripan pa ng nanay mong ilabas ka sa no. 29? Bingo!!! Edi sige, ikaw na ang pinaka, greatest, superior, to the highest level na kulang kulang.
But I strongly disagree with this. Hindi ka kulang-kulang kung ipinanganak ka ng Pebrero lalo na kung swak ka sa banga na no. 29. Hindi ibig sabihin na pag “leaping” or “leap year baby” ka eh hindi ka na kumpleto. Most of those people na kilala kong ipinanganak ng Pebrero ay sobra-sobra pa nga sa kagalingan, kung hindi artistic e matalino, maganda, gwapo (insert *ehem! here) at maabilidad. Yung tipo bang may something unique in them or part na sobrang nag eexcel sila?
On the other hand, bakit mo tatawagin na kulang kulang ang Pebrero 29, if it occurs every four years to help synchronize the calendar year with the solar year, or the length of time it takes the earth to complete its orbit about the sun, which is about 365¼ days. Ano daw? Basta ang nag 29 ang pumupuno sa kulang na oras kapag umiikot ang mundo sa loob ng apat na taon.
Special ka! Because in 1 out of 1500 chances your birthday falls on the 29th. Swerte ka din dahil sa bansa natin, you can choose between February 28 or March 1 kung kelan mo ice-celebrate o kaya naman kung walang pera pwede mong i-dahilan na wala ka namang birthday pero malas mo lang sa mga kuripot na kaibigan, ninong ninang na at kamag-anak na makikikain pero walang regalo dahil ang katwiran nila wala naman 29 ngayong taon.
If February 29 didn’t exist since then, I doubt if the cartoon strip of Bil Keane’s Family Circus will reached its prominence today if it didn’t debut on 1960. Also, hindi ka rin siguro ma-eentertain, matutuwa, at mata-touch sa mga direksyon ni Jhonny Delgado katulad ng “Tanging Yaman”, “Kailangan Kita”, “May Bukas Pa”, “Mga Angel na Walang Langit” at “Going Bananas” kung hindi siya ipinanganak nong 1948.
At higit sa lahat, kung hindi nag exist ang February 29 hindi mo binabasa ang article na to. Kaya para sa mga katulad kong kulang-kulang este ipinanganak ng PEBRERO lalo na sa araw ng 29. Mabuhay Kayo at Happy Birthday!